ကဏန်းလက်မဘဲဥကြော်

          ချစ်သောမောင်နှမများအားလုံး မင်္ဂလာပါရှင်။ ဒီနေ့မှာတော့ မောင်နှမတို့ကို ကဏန်းလက်မအသားတွေကို ဘဲဥလေးနဲ့ ကြော်ကျွေးပါဦးမယ်နော်။ ဒီဟင်းလျာလေး ကတော့ ကျွန်မရဲ့ ၁၈ x ၂ မွေးနေ့အလှူပွဲမှာ ဘုန်းတော်ကြီးများကို ဆက်ကပ်ခဲ့တဲ့ ဟင်းလျာ တစ်မယ်ပါနော်။

          ဒီဟင်းချက်ဖြစ်တာကလည်း မေတ္တာရပ်ဝန်းမီးဖိုဆောင်ရဲ့ ၀ိုင်းတော်သား တစ်ဦးဖြစ်တဲ့ နယူးမင်းက တစ်နေ့ ကျွန်မကို ပြောပါတယ်။ မမလုကို ဖေ့စ်ဘွတ်ခ်မှာ hide လုပ်ထားရမယ် တဲ့။ အဲ့ဒါနဲ့ ဘာလို့လဲဆိုတော့ ဟင်းတွေကို မြင်သာမြင်ရ၊ မကြင်ရ ဖြစ်နေလို့တဲ့လေ။ ဒါနဲ့ပဲ မြန်မာပြန်လာရင် မမလုကို ကြိုပြောပါ။ ချက်ကျွေးပါမယ် ကတိပေးခဲ့ပါတယ်။ ပြီးတော့ ဘာစားချင်တာလဲလို့ မေးကြည့်တော့ ကဏန်းဟူရောင်ကြော်လား ဘာလား နာမည်တော့ သေချာမမှတ်မိတော့ဘူးတဲ့၊ ကဏန်းသားကို ဘဲဥ/ကြက်ဥနဲ့ ကြော်တာတဲ့လေ။ အဲ့ဒါနဲ့ သူနဲ့ ကျွန်မ ဒီဟင်းလျာစားဖူးတဲ့အရသာကို confirm လုပ်ကြပါတယ်။ အလှူလုပ်မယ်လည်း ဆိုရော ဒီဟင်းလျာလေးကို ဘုန်းဘုန်းတွေအနေနဲ့ ဘုဉ်းပေးရခဲတယ်ဆိုပြီး ထည့်ဖြစ်ခဲ့တာပါ နော်။ ကျွန်မမွေးနေ့အလှူဆိုပေမယ့် ဟင်းလျာများအားလုံးကို ကျွန်မစိတ်ကြိုက် ရွေးချယ် ဆုံးဖြတ်ခွင့်မရှိပါ၊ ဒိုင်လူကြီးဖြစ်တဲ့ ကျွန်မအမေက ကျွန်မတို့ မောင်နှမတွေ တင်သွင်းတဲ့ ဟင်းလျာတွေကို ကြည့်ပြီး သူ့စိတ်ကြိုက်ဆုံးဖြတ်တာကို ကျွန်မတို့က အလိုလိုက်ရပါတယ် :P  အိမ်မှာ အမေ့ရှေ့ ပြောရင် အဆူခံရမှာ စိုးလို့ အားလုံးသိအောင် ဘလော့ဂ်ပေါ်ကနေ အမေ့အကြောင်း ပြောလိုက်တာ။

          လိုအပ်တဲ့ပစ္စည်းတွေကတော့ အသားနွှင်ထားတဲ့ကဏန်းလက်မ၊ ဘဲဥ/ကြက်ဥ၊ ကြက်သွန်ဖြူ၊ ကြက်သွန်နီ၊ ချင်း၊ ငရုတ်သီးခြောက် အပုပွတောင့်၊ ပဲငံပြာရည်အကျဲ၊ ပဲငံပြာရည် အပျစ်၊ ဆီ၊ သကြား၊ ဆား၊ ဟင်းခတ်မှုန့်၊ တရုပ်မာဆလာအနည်းငယ်နဲ့ ကြက်သွန်မြိတ်အနည်းငယ်တို့ပါနော်။

          ကဏန်းလက်မအသားချည်းသက်သက်ကတော့ စီးတီးမတ်တွေမှာ ၀ယ်လို့ရပါတယ်။ freeze လုပ်ထားပေမယ့် တော်တော့်ကို လတ်ပါတယ်။ ကျွန်မက အလှူမှာ ဘုန်းကြီးဆွမ်းပွဲ ဟင်းလျာအတွက် ထည့်ချက်ချင်ပေမယ့် ကဏန်းက မလတ်ရင် ဗိုက်နာတတ်တာမို့ စိုးရိမ်ပြီး ပထမတစ်ရက် ကဏန်းသားကို ၀ယ်ပြီး အစမ်းချက်စားကြည့်ပါတယ်။ အိမ်သားအားလုံးက စားကောင်းတယ်၊ ဗိုက်လည်းမနာဘူးဆိုပြီး အတည်ပြုတော့မှ ဘုန်းကြီးဆွမ်းပွဲဟင်းလျာထဲ ထည့်ဖို့ ဆုံးဖြတ်ချက်ကျပါတယ်။        

          ကဏန်းလက်မက သန့်ပြီးသားဆိုတော့ ခဲတာလေးတွေ ပျော်အောင်ပဲ အပြင်မှာ ခဏထားပါတယ်။ အဲ့ဒီအချိန်မှာ ငရုတ်သီးအပုပွတောင့်ကို အညှာခြွေ၊ အစေ့ထုတ်ပြီးတော့ ရေနွေးပူပူနဲ့ စိမ်ပြီး ဆေးပစ်ပါတယ်။ ပြီးတော့မှ ငရုတ်သီးတွေကို ညက်နေအောင် ထောင်းပါတယ်။ ကြက်သွန်ဖြူ၊ နီ၊ ချင်းတို့ကိုလည်း အခွံနွှာ ရေဆေး၊ ကြက်သွန်နီကို အကွင်းလိုက်လေး လှီးပါတယ်၊ ကြက်သွန်ဖြူကို မညက်တညက်ကြိတ်ထားပါတယ်။ ချင်းကို ပါးပါးလွှာလွှာလေးတွေလှီးပြီးတော့မှ အရှည်လိုက် အချောင်းလေးတွေရအောင် ပြန်လှီးပါ တယ်။ ကြက်သွန်မြိတ်လေးတွေကိုတော့ သန့်ရှင်းရေးလုပ်ပြီးတော့ တစ်လက်မအရှည် လောက်လေးတွေ လှီးပေးထားပါနော်။ ဘဲဥ/ကြက်ဥကိုလည်း မွမွလေးဖြစ်နေအောင် ခေါက်ပေးထားပါနော်။

          အားလုံးအသင့်ဖြစ်တဲ့အခါကျရင် မီးဖိုပေါ် ဒယ်အိုးတင်၊ ဆီထည့်၊ ဆီပူလာရင် ကြက်သွန်ဖြူနီချင်းတို့ကို ထည့်ပြီး အရင် ဆီသတ်ပေးပါ။ ကြက်သွန်စိမ်းနံ့ပျောက်တာနဲ့ ငရုတ်သီးအနှစ်လေး တွေကို ရေနွေးလေးနဲ့ ရောဖျော်ပြီး ထည့်ပြီး ဆီသတ်ပေးပါနော်။ ပြီးရင် ကဏန်းသားလေးတွေကို ထည့်ပေး၊ တစ်လက်စတည်း ပဲငံပြာရည်အကျဲ၊ ဆားအနည်းငယ်နဲ့ ဟင်းခတ်မှုန့်လေးတို့ကိုပါ ထည့်ပြီး ကဏန်းသားလေးတွေ မကြေရအောင် သတိလေးနဲ့ ဖြေးဖြေးချင်း အထက်အောက် သမအောင်လှန်ပေးပါနော်။ ပြီးရင်တော့ အိုးမကပ်ရအောင်ရော အသားလေးတွေ အကျက်မှန်ရအောင် ရေလေးဖျန်းဖျန်းပြီးတော့ ချက်ပေးနော်။ အပေါ့အငန် အရသာကိုလည်း မြည်းပြီးတော့ စိတ်ကြိုက်ဖြစ်အောင် အရသာထည့်ပေးပါနော်။ ပြီးတော့မှ ခေါက်ထားတဲ့ ဘဲဥတွေကို နှံ့အောင် ထည့်ပေးပြီး တရုတ်မာဆလာလေး အနည်းငယ်ကို ထည့်ပေးလိုက်ပါ။ ပြီးရင် ကဏန်းသားနဲ့ ဘဲဥအားလုံးနှံ့အောင် အသာအယာ မွှေပေးပါနော်။ ပြီးတော့မှ ကြက်သွန်မြိတ်လေး အပေါ်ကနေ ဖြူးလိုက်ပေ့ါနော်။ အဲ့ဒါဆိုရင်တော့ အနံ့ အရသာနဲ့ ပြည့်စုံလှတဲ့ ကဏန်းလက်မဘဲဥကြော်လေး ရပါပြီနော်။

          တကယ်လို့ မြန်မာလိုချက်ချင်တယ်ဆိုရင်လည်း တရုတ်မာဆလာမထည့်ဘဲ ကုလားလေး မာဆလာရယ်၊ ငရုတ်သီးစိမ်းလေးတွေရယ်ထည့်ချက်ပါ၊ ပြီးတော့မှ မန်ကျည်း သီးနှစ်လေး အုပ်ပေးပါ။ ကျွန်မက အချဉ်မထည့်ဘဲ ချက်ရခြင်းအကြောင်းက ဟင်းရည် သောက်က ကင်မ်ချီဟင်းရည်ဖြစ်နေတာရယ်၊ ကျောက်ပွင့်ပုစွန်သုပ်ကလည်း အချဉ် ပါဦးမှာမို့ ကဏန်းသားဘဲဥကို ကြော်လိုက်တာပါနော်။

          မောင်နှမများအားလုံးလည်း အဆင်ပြေတဲ့အခါကျ ကဏန်းသားဘဲဥကြော်လေး လုပ်စားကြည့်ကြပါဦးနော်။

လုလု