ချစ်သော မောင်နှမများအားလုံး မင်္ဂလာပါရှင်။ ဒီနေ့တော့ မောင်နှမတို့ကို မမကြီး Guiness တို့ အလှူမှာ ဧည့်ခံတုန်းက မီနူးထဲက ဟင်းအမယ်တစ်မျိုးဖြစ်တဲ့ ပုစွန်ကြာဆံဟင်းချက်နည်းလေးကို မျှဝေပေးပါရစေ နော်။
ပုစွန်ကြာဆံဟင်းအတွက်
လိုအပ်တဲ့ပစ္စည်းတွေကတော့ ပုစွန် (မိမိနှစ်သက်မယ့် အရွယ်အစားကို ၀ယ်ပါ
နော်၊ အကောင်ကြီးရင်တော့ ပိုပြီး စားကောင်းပါတယ်)၊ ပဲကြာဆံ၊ ခရမ်းချဉ်သီး၊
ကြက်သွန်ဖြူ၊ ကြက်သွန်နီ၊ ချင်း၊ ငံပြာရည်၊ ငရုတ်သီးအရောင်မှုန့်၊
ငရုတ်သီးစိမ်း၊ ဆား၊ သကြား၊ ဟင်းခတ်မှုန့်နဲ့ ဆီတို့ပါနော်။
ပုစွန်ကို သန့်စင်အောင် ဆေးကြောပြီးတဲ့အခါ
ဆားနဲ့ထပ်နယ်ပြီး ဆေးပစ်ပါ၊ ပြီးတော့မှ ပုစွန်ကို ဆား၊ သကြား၊
ဟင်းခတ်မှုန့်တို့နဲ့အတူရောနယ်ပြီးနှပ်ပေးထားပါနော်။ ပြီးရင်
ကြက်သွန်ဖြူနီတို့ကို အခွံနွှာ ရေဆေးပြီးတော့ငရုတ်သီးအရောင်မှုန့်နဲ့
ရောထောင်းပေးပါနော်။ ခရမ်းချဉ်သီးကို ပါးပါးလှီးပေးထားပါ နော်။
ငရုတ်သီးစိမ်းကိုလည်း အညှာခြွေရေဆေးပေးထားပါနော်။ ပဲကြာဆံကိုလည်း
ရေစိမ်ထားပေးပါနော်။
အားလုံးအသင့်ဖြစ်ရင် မီးဖိုပေါ်
ဒယ်အိုးတင် ဆီထည့်၊ ထောင်းထားတဲ့ ငရုတ်သီးကြက်သွန်တွေ ဆီသတ်ပါ နော်။
ကြက်သွန်တွေနွမ်းပြီဆိုရင် ငံပြာရည်ရယ်၊ လှီးထားတဲ့ခရမ်းချဉ်သီးကို
ထည့်မွှေပြီး ခရမ်းချဉ်သီး ဆီလိမ်တဲ့အထိ တည်ပေးပါ။ နောက်မဟုတ်ရင်
ခရမ်းချဉ်သီးစော်နံပြီး ဟင်းစားမကောင်းတတ်ဘူး ဖြစ်တတ်ပါတယ်။ ခရမ်းချဉ်သီး
ဆီလိမ်ပြီဆိုရင် ပုစွန်တွေထည့်ပြီး မွှေပေး၊ ပုစွန်က ထွက်လာတဲ့စိမ့်ထွက်
ရည်တွေ ခမ်းတဲ့အထိ တည်ပေးပါနော်။ ပုစွန်တွေပါ ဆီပြန်လာပြီဆိုရင်တော့
ရေစိမ်ထားတဲ့ ပဲကြာဆံတွေ ကို ထည့်ပေးပါ။ (အလှူအတွက်ဆိုရင်တော့ ညဘက်မှာ
ပုစွန်ဟင်းကိုချက်ထား ပြီးမနက်ကျမှ ဟင်းအိုး ပြန်နွှေးပြီးတဲ့အခါကျ
ပဲကြာဆံကို ထည့်ချက်ပေးပါနော်)။ ပဲကြာဆံ ထည့်ပြီးတဲ့အခါကျ ကြာဆံအနူးအတွက်
ရေနွေးလေး နည်းနည်းထည့်ပေးပြီးတည်ပေးပါနော
ဟင်းပွဲပြင်တဲ့အခါကျ လှအောင်လို့ ပင်စိမ်းရွက်/နံနံရွက် အုပ်ပေးလိုက်ပါနော်။ အဲ့ဒါဆိုရင်တော့ ပုစွန် ကြာဆံဟင်းလေးရပါပြီနော်။
လုလု
No comments:
Post a Comment