ကိုယ့်ချစ်သူကောင်မလေးရဲ့ ဖုန်းကို မကြာခဏ စစ်ဆေးခြင်းဟာ ယုံကြည်မှု တည်ဆောက်ရာမှာ ကြီးမားတဲ့ အတားအဆီးတစ်ခုပါ

ချစ်သူတွေ ဖြစ်လာရင် နှစ်ဦးကြားမှာ လျှို့ဝှက်ချက် မရှိသင့်ဘူးလို့ ဆိုကြပါတယ်။ ကိုယ်ပိုင်လက်ကိုင်ဖုန်းကို ကိုယ့်ချစ်သူ အစစ်အဆေးမခံမိတာဟာ သူ့ကို သစ္စာဖောက်တာလား၊ နောက်တစ်ယောက်နဲ့ ကြူထားလို့လား ဆိုတဲ့အတွေးမျိုးတွေ၊ တစ်ခုခုကို အကြီးအကျယ်
လျှို့ဝှက်ထားနေပြီဆိုတာမျိုးတွေ တွေးနေပြီဆိုရင်တော့ ဒါဟာ သင့်အတွက်ရော၊ သင့်ချစ်သူကောင်မလေးအတွက်ပါ နေရထိုင်ရ ခက်စေမယ်ဆိုတာ ယုံထားပါ။ မိန်းကလေးတွေအနေနဲ့ သူတို့လက်ကိုင်ဖုန်းကို ကိုယ့်ချစ်သူယူကြည့်တဲ့အခါ သဘောမတွေ့တတ်ကြပါဘူး။ ဘာ့ကြောင့်များလဲ။

၁။ငါ့ချစ်သူဟာ အသေးစိတ်ကအစ ငါ့ကို လိုက်ကြည့်နေတတ်သူပါလားလို့ ခံစားလာရလို့ပါ။

ဒါဂရုစိုက်ပြတာ မဟုတ်ပါဘူး။ ဒါမယုံကြည်ဘူးဆိုတာ ပြသတဲ့ အမူအရာပါ။ ချစ်သူစုံတွဲတိုင်းမှာ အရေးအကြီးဆုံးဖြစ်တဲ့ ယုံကြည်မှုဆိုတဲ့အရာ မရှိရင် သင့်တို့ရဲ့ ချစ်ခရီးလမ်းဟာ ထင်သလောက် ပေါက်ရောက်မှာ မဟုတ်ပါဘူး။ သူမကို သူမရဲ့ ဖုန်းလျှို့ဂှက်စာကို အတင်းမေးမြန်းနေမယ့်အစား ဒီအတိုင်း သူမရဲ့လွတ်လပ်ခွင့်နဲ့ ကိုယ်ရေးကိုယ်တာပါလားဆိုပြီး တွေးပေးလိုက်ခြင်းဟာ နှစ်ဦးစလုံးအတွက် ကောင်းပါတယ်။

၂။ငါ့ချစ်သူဟာ စိတ်ရှုပ်စရာ ကောင်းပါလားလို့ တွေးမိလာလို့ပါ။

သင်တို့နှစ်ယောက် တွဲလာတဲ့ အချိန်အတိုင်းအတာက သိပ်မရှိသေးပဲ ဒီလို ဖုန်းကိုယူကြည့်တာမျိုးတွေ၊ sms စစ်တာမျိုးတွေ လုပ်မယ်ဆိုရင် သူ့စိတ်ထဲ ရှုပ်ထွေးလာပါလိမ့်မယ်။ အာရုံနောက်တာမျိုးတွေ ဖြစ်လာပါလိမ့်မယ်။

၃။သူငယ်ချင်းအရင်းခေါက်ခေါက်တွေနဲ့ ပြောထားတဲ့ စကားတွေကို သင်မမြင်စေချင်လို့ပါ။

မိန်းကလေးတွေဟာ မိန်းကလေးအချင်းချင်းသာ ပြောလေ့ရှိတဲ့ စကားမျိုးတွေ သပ်သပ်ရှိပါတယ်။ သင်နဲ့ဘယ်လောက်ရင်းနှီး ရင်းနှီး၊ သူမရဲ့ သူငယ်ချင်းတွေနဲ့သာ ပွင့်ပွင့်လင်းလင်းပြောလေ့ရှိတဲ့အရာမျိုးတွေကိုတော့ သင့်ကို ဘယ်ပြောချင်ပါ့မလဲ။ မိန်းကလေးကိစ္စအားလုံးကိုလည်း သင့်ကိုပြောပြဖို့ ဘယ်အဆင်ပြေပါ့မလဲ။

၎။ဘာမဟုတ်တဲ့ sms တွေကြောင့် သင်ပြသနာရှာမှာကို စိုးရိမ်လို့ပါ။

တစ်ခါတစ်လေ ကိုယ်နဲ့သိပ်မရင်းနှီးတဲ့ ကောင်လေးတစ်ယောက်ရဲ့ sms ကို ပြန်ဖြေထားတာ၊ ပြန်ပို့ထားတာမျိုးတွေ သင်တွေ့တဲ့အခါ ဒါဘယ်သူလဲ၊ မင်းနဲ့ဘယ်လို ပတ်သက်သလဲ၊ ဘယ်တုန်းက ခင်သွားတာလဲ စသဖြင့် အရေးမကြီးတဲ့ အရာတွေနဲ့ သင်ပြသနာရှာမှာကို သူတို့စိုးရိမ်နေတာမျိုးကြောင့် သူတို့ဖုန်းကို သင့်ကို မပြချင်တာလည်း ဖြစ်ပါတယ်။

၅။သူတို့ဘာသာသူတို့ အပျော်ရိုက်ထားတဲ့ ဓာတ်ပုံတွေကို သင်မမြင်စေချင်လို့ပါ။

တစ်ခါတစ်လေ အိမ်မှာ ပျင်းလို့ အပျော်ရိုက်ထားတဲ့ ဓာတ်ပုံတွေကို သင်မြင်သွားမှာ စိုးရိမ်တဲ့အခါမျိုးတွေ ရှိတတ်ပါတယ်။ ဖျက်ပစ်မယ်လို့ စိတ်ကူးထားပြီး သူမဖျက်ရသေးခင် သင်က ဖုန်းကိုယူသွားတဲ့အခါ သူ့ဘက်က စိတ်ပူသွားတာမျိုးတွေ ရှိတတ်ပါတယ်။

၆။Hack လုပ်ခံရမှာ စိုးလို့ပါ။ 

သင့်ချစ်သူဟာ သင်နဲ့ရည်းစားမဖြစ်ခင်တုန်းကလည်း သူ့ဖုန်းကို hack လုပ်ခံထားရဖူးတယ်ဆိုရင် နောက်တစ်ကြိမ်ဒီလို ထပ်ဖြစ်မှာ သူကြောက်နေပါလိမ့်မယ်။

၇။အရေးအကြီးဆုံး စကားဝှက်တွေ သူ့ဖုန်းထဲမှာ သိမ်းဆည်းထားလို့ပါ။

အရမ်းရင်းနှီးတဲ့ ချစ်သူရည်းစားဆိုပေမယ့်လည်း သူမ ဘယ်သူ့ကိုမှ မသိစေချင်တဲ့ bank account တွေ သူ့ဖုန်းထဲမှာ ရှိနိုင်ပါတယ်။ ဒါ့အပြင် တစ်ခြား အရေးကြီးတဲ့ စကားဝှက်တွေရောပေါ့။

၈။သင့်အကြောင်း သူ့သူငယ်ချင်းတွေနဲ့ ပြောဆိုထားတာ သင်မြင်သွားမှာစိုးလို့ပါ။

သူ့သူငယ်ချင်းကောင်မလေးနဲ့ သင့်အကြောင်း ပြောထားတယ်ဆိုတာ မကောင်းတဲ့အကြောင်း၊ မုန်းတဲ့အကြောင်းတွေ မဟုတ်ပဲ သင့်ရဲ့အကျင့်တွေ၊ သင်ဘယ်လိုချစ်စရာကောင်းတယ်ဆိုတဲ့အချက်တွေကို သင်ပြန်သိမှာ သူစိုးရိမ်ပါလိမ့်မယ်။

၉။သင်မုန်းတဲ့ သူ့သူငယ်ချင်းတွေနဲ့ ဆက်သွယ်နေတာ သင်သိမှာစိုးလို့ပါ။

တစ်ခါတစ်လေ သူငယ်ချင်းတွေထဲမှာ ကိုယ့်စိတ်နဲ့မတွေ့လို့ ကိုယ့်ချစ်သူကိုပါ မပေါင်းနဲ့လို့ မှာထားပေမယ့် အဲ့ဒီလူက သူမနဲ့ အရမ်းအဆင်ပြေတဲ့သူ ဖြစ်နေရင်တော့ အဆက်အသွယ်ဖြတ်ဖို့ ခက်ခဲပါလိမ့်မယ်။ သင့်ရှေ့မှာ အဲ့ဒီတစ်ယောက်နဲ့ မဆက်သွယ်ရင်တောင် ကွယ်ရာမှာ တစ်ခါတစ်လေ အဆက်အသွယ် လုပ်တာမျိုးရှိကောင်းရှိနိုင်ပါတယ်။

၁၀။သင်မကြိုက်တဲ့ အဆိုတော်ရဲ့ ဗီဒီယိုတွေ ဖုန်းထဲမှာ ရှိနေတယ်ဆိုတာ သင်မသိစေချင်လို့ပါ။

နှစ်ယောက်သား အကြိုက်မတူကြပေမယ့် သင်ပြင်းပြင်းထန်ထန် မုန်းတဲ့ အဆိုတော်ကို သူကြိုက်ရင်လည်း ကြိုက်နေပါလိမ့်မယ်။ ဒါကြောင့် သင့်ရှေ့မှာ မဟုတ်ရင်တောင် သူတစ်ယောက်တည်း ရှိတဲ့အချိန် သူ့ဖုန်းထဲမှာ ဖွင့်ကြည့်တာမျိုး၊ သီချင်းနားထောင်တာမျိုးတွေလုပ်တာ မဆန်းပါဘူး။ ဒါကို သင်ရှာဖွေတွေ့ရှိသွားလို့ သူ့ကို အပြစ်ပြောမှာမျိုးကို စိုးရိမ်တာကြောင့်လည်း ဖြစ်နိုင်ပါတယ်။
Ref:mensxp.com
Trend