သင့်မှာ
သူငယ်ချင်းတွေ အများကြီး ရှိတယ်ဆိုပါစို့။ သူတို့အားလုံးဟာ သင့်ရဲ့
သူငယ်ချင်းအစစ်အမှန်တွေ ဖြစ်ရဲ့လား။ ဟုတ်ရဲ့လား။ သင်ဒုက္ခရောက်တဲ့အချိန်၊
သင်ပြသနာတစ်ခုခု ကြုံရတဲ့အချိန် သင့်ဘေးမှာ သူတို့ရှိနေသေးရဲ့လား။
ဒါမှမဟုတ် စိတ်တူကိုယ်တူဖြစ်ရဲ့လားဆိုတာ ဒီအချက်ကလေးတွေနဲ့
ခွဲခြားကြည့်ရအောင်။
Ref:womenshealthmag.com
၁။သင်ခေါ်တဲ့အခါ သူတို့ ဘယ်တော့မှ မငြင်းတတ်ဘူး။
ညဘက်အပြင်ထွက်လည်တဲ့အခါ၊
ဒါမှမဟုတ် နေ့ခင်းဘက် ရှော့ပင်သွားတဲ့အခါ ဘယ်အချိန် သူတို့ကို
ခေါ်လိုက်ခေါ်လိုက် အကြောင်းပြပြီး ငြင်းလိုက်တာမျိုး မရှိဘူး။ သင့်အတွက်
သူတို့အမြဲရှိပေးတယ်။
၂။သူတို့နဲ့ဆို အသံကျယ်ကျယ်နဲ့ကို အော်ဟစ်ရယ်မောဖြစ်တယ်။
သူများတွေနဲ့
ဘယ်လောက်ဟန်ဆောင်ရ ဟန်ဆောင်ရ၊ သူတို့နဲ့ဆို တကယ်ကို ပွင့်ပွင့်လင်းလင်း
ရှိလွန်းတယ်။ ပျော်နေရတဲ့အချိန်တွေမှာဆို အသံကုန်အော်ဟစ်ရယ်မောပစ်ဖို့လည်း
မရှက်တော့ဘူး။
၃။အရေးကြီးတဲ့ ဆုံးဖြတ်ချက်တွေအတွက် သူတို့ ကူညီစဉ်းစားပေးတယ်။
အလုပ်အတွက်၊
နှလုံးသားရေးရာ နဲ့ မိသားစု ကိစ္စတွေ အားလုံးကို
သူတို့နဲ့တိုင်ပင်လို့ရတယ်။ သင် ဆုံးဖြတ်ချက်ချနိုင်ဖို့ သူတို့က
ကူညီပေးတယ်။
၎။သူတို့နဲ့ဆို ဟန်ဆောင်နေစရာ မလိုဘူး။
ကိုယ့်သူငယ်ချင်းအရင်းတွေနဲ့ဆို
ဘာမှဟန်ဆောင်ခြယ်သ၊ ပြင်ဆင်နေစရာ မလိုဘူး။ ကိုယ့်ကိုလည်း သူတို့
မကဲ့ရဲ့ဘူး။ စကားပြောဆိုတာကအစ ကိုယ့်စိတ်ထဲရှိသလို ပြောဆိုလို့ရတယ်။
၅။တစ်ဦးနဲ့တစ်ဦး ဝေမျှတတ်ကြတယ်။
အစားအသောက်၊ အ၀တ်အထည် ၊ တစ်ခါတစ်လေ ပိုက်ဆံတောင် ဝေမျှသုံးစွဲတတ်ကြတယ်။ စိတ်အနှောင့်အယှက်ဖြစ်တာမျိုးဘယ်တော့မှ မရှိဘူး။
၆။ဆင်တူပစ္စည်းလေးတွေ ရှိချင်ကြတယ်။
သူငယ်ချင်းတွေဟာ
ငါ့လိုပစ္စည်း သူ့မှာရှိမှာ စိုးထိတ်တာမျိုး လုံးဝမရှိပါဘူး။ အဆင်တူ၊
အသွေးတူ ဒီဇိုင်းမျိုးတွေကိုမှ အတူဆင်မြန်းကြချင်တာမျိုးပါ။
၇။ပေါက်တတ်ကရ လုပ်ဖို့လည်း ၀န်မလေးဘူး။
အသက်ဘယ်လောက်ကြီးကြီး၊
ယူထားတဲ့ တာဝန်၊ အနေအထား ဘယ်လောက်ရှိရှိ သူငယ်ချင်းတွေနဲ့ တွေ့ချိန်တော့
ဘာကိုမှ ဂရုမစိုက်ပဲ လုပ်ချင်တာလုပ်တတ်ကြပါတယ်။
၈။တစ်ယောက်ပိုက်ဆံပြတ်တဲ့အချိန် တစ်ယောက်က ကူညီပေးတတ်တယ်။
ဘယ်အချိန်ဆို
ငါ့သူငယ်ချင်း ပိုက်ဆံပြတ်သွားတတ်တယ်ဆိုတာ သူငယ်ချင်းအရင်းတွေသာ အသိဆုံး။
အဲ့ဒီလိုအချိန် အခြားလူတွေက ကိုယ့်ကိုအဖက်မလုပ်ရင်တောင်
သူငယ်ချင်းအရင်းတွေကတော့ ကိုယ့်ဘေးမှာရှိပြီး သူတို့ပိုက်ဆံပေးသုံးတတ်တယ်။Ref:womenshealthmag.com
No comments:
Post a Comment